نجلس لاستقبال المعزيين و اخذ العزاء
وجوه حزينة و وجوه لا يهزها الموت
تجلس هي على اول المقاعد فهي الاكبر سنا
يدخل فوج من النساء و تعزيها احداهن
عظم الله اجرج خالتي
اجرنا و اجرج يزاج الله خير
الله يخليلج اخوانج الباجي
لا كلهم توفوا بس انا ظليت
تهمس المعزية: مسكينه
لا انا مو مسكينه الله يخلي لي عيالي و احفادي انشالله
**********************************
زيارة خفيفة و سريعة لاداء واجب معين
سعيدة بهم و بتقديرهم لها تستقبلهم
يتحاورون في مواضيع عامة
هم: ضعفانة وايد وايد
هي : اي و الله تعبانه من المعدة مريضة
هم : احسن ضعفي ... عشان احين تقدرين تتزوجين
هي : تصمت بألم
********************************
تشعر فجأة بالوحدة و الضيق
فمنذ ايام هي وحيدة تحمل مسؤليات كثيرة
تقرر الاتصال بأحد بحثا عن ونيس
هي: قوة شنو مشاريعج اليوم ؟؟
صديقتها: و لا شي ليش؟؟؟؟
هي: ودي اتمشى شرايج؟؟؟
صديقتها: اوكي امرج
تركب معها و تسمع صوت زخات مطر خفيف
هي : شفيج؟؟؟
صديقتها: ما فيني شي وين تبين تروحين؟؟؟؟؟ مطر
هي: انتي صعبة تطلعين بالمطر صح؟؟؟
صديقتها: يعني
هي: ابي ارجع بيتنا
و ترجع
الاشتراك في:
تعليقات الرسالة (Atom)
هناك 4 تعليقات:
حروني الثانيه و الثالثه
للاسف بعض الناس ما تقدر مشاعر الي جدامها و اتقول الكلمه قبل لا اتثمنها
ولا تدرك عواقبها على المتلقي
منو هذي اللي ما تحب تطلع في المطر
احلى شي المطر
والاستمتاع بالجو
بوستج فيه لمسة حزن
اتمنالج كل الفرح
في من هالمواقف كثير وكثير
خليها على الله
من جد "لاتعليق"
الواحد شنو ممكن يقول ولمين يقول
أنقهر لما أشوف وحدة كبيرة أم ماتعرف تتكلم بذوق واحترام
الله يكون بالعون ويصلح الجميع انشاءالله
تحياتي لك
الخيلاء
فعلا ما يقدرون الكلام و لا يعرفون تأثيره على الغير
شاكرة مرورج
7osen
بعد شنسوي الناس اذواق
انا احس المطر يغسل قلبي مع كل قطرة منه
حياك اخوي
بنت احمد
فعلا هذا حال الدنيا
انا شعاري)( اذا خاطبكم السفهاء قولو سلاما
شاكرة مرورج
إرسال تعليق