الأحد، 7 سبتمبر 2008

اختلاف


الرجل و المرأة اختلافات عديدة في كل شي تقريبا

التفكير ، العقلية ، المنطق و الطباع....

و لكن رغم كل هذا مقدر لهم ان يعيشوا مع بعض مكونيين أسر و مجتمع

فعلى هذين المخلوقين التعايش برغم ان كل منهم اتى من بيئة و مناخ مختلف

و عليهم ان يجتمعوا تحت سقف واحد مع كل ما يحمله الاخر من اختلاف في الطباع

****************************************

حالة مرت علي اختلاف في الطبع شوي على اختلاف في البيئة و الصفات

فقلت هل من الممكن ان المرأة تغير من صفات او طبع معين في الريال؟؟؟؟؟؟

انا مع ان الاختلاف ضروري لان اذا الانسان عاش مه احد يشابهه في كل شي و يوافقه

في كل شي و يكون نسخة منه في كل شي تكون الحياة مملة مافيها طعم كل شي نفسه

الاختلاف يعطي بهارات بس بحدود لان كثرت البهارات اتعب المعدة!!!!!

انا احس التغيير و التبديل صعب وايد في الطبع لكن ممكن التعديل

يعني اذا شي مو عاجبني في الشخص 90% اقدر اخليه مو عاجبني 50%

و شوي شوي النسبة ممكن تقل ، بس اهم الشي الاسلوب و الطريقة

الي اوصل فيها ان هالشي موعاجبني...

الشي الاكيد ان الطرف الثاني مو عاجبه اشياء في الطرف الاول

فممكن نسوي مقايضة بأسلوب حلو و مو بشكل مباشر

يعني انت تعدل هالشي و المرأة اتعدله بعد

اهم شي ان ما نجرح احد ممكن ايب الشي الي ما احبه على شكل

سالفة و اقول اني ما حبيته و ينتبه اهو بهالشي فيعدله....

***************************************

إذا أردت أن تتخذ فتاة من الفتيات زوجة لك.. فكن لها أباً وأماً وأخاً .. لأن التي تترك أباها وأمها وأخوتها لكي تتبعك .. يكون من حقها عليك أن تري فيك رأفة الأب .. وحنان الأم .. ورفق الأخ..

( هوميروس)



هناك تعليقان (2):

7osen يقول...

السلام عليكم

شلونج

بوست جميل

العلاقة بين الرجل والمرأة راح تظل دائماً مادة للبحث والتحليل
لكني اخالفج في الجزء الاول من البوست
ما اعتقد ان بين الرجل والمرأة هالاختلاف هذا كله بالعموم
يعني فيه منهم من يكونوا متشابهين

وعموماً بالعلاقة بين الرجل والمرأة انا اعتقد لازم الواحد فيهم يفكر بإللي يبيه منه الثاني قبل لايفكر اهو شنو يبي من شريكه

اعتقد هذي الطريقة بتقربهم من بعض وبتخليهم يفهمون بعض اكثر

وتظل شخصية الإنسان وتربيته وثقافته وتفكيره اهي اللى تتحكم في تصرفاته وفهمه للامور

الوتين يقول...

هلا اخوي
شلونك
انا اوافقك في ان المفروض الواحد يفكر بالي يبيه الثاني قبل لا يفكر اهو شنو يبي
لان هالشي راح يحل وايد اشياء و فعلا تقربهم من بعض اكثر
سعيدة بمرورك