الجمعة، 30 يناير، 2009

في الحرم الجامعي

السنة الاولى لها في الجامعة سمعت عنه الكثير و لكن كل مايهمها ان تحصل على A في مادته
تدخل القاعة تتنتظر قدوم الدكتور يدخل هو ... تسغرب شكله و تضحك بينها و بين نفسها ...
يشرح بطريقة بسيطة و لكن يتودد للطالبات بشكل كبير و لكن لا يهمها كل هذا فهي جاءت لتدرس
تخرج من المحاضرة تلتقي صديقتها
هي: واااااي الدكتور حده مليق
صديقتها: يقول Aعنده سهالات و محاضراته خرابيط
هي : انا ما ابي خرابيط ابي افهم منه انا بتخصص لازم اكون فاهمه
صديقتها : كثر محد فاهم مجاله بس مشكلته....
هي : شنو مشكلته؟؟؟
صديقتها: التضحك و الملاقة الزايدة على غير داعي !!!!!!!
هي: اي و الله ملاقة زايدة مع انه مستشار بألف مكان و دكتور ابا عن جد.

تمضي أيام الدراسة و تصبح محاضرته من اهم المحاضرات بالنسبة لها
فالبرغم من اسلوبه الهزلي بالشرح الا ان معلوماته ثرية بطريقة لا تصدق
تجلس بينها و بين نفسها تبرر طريقته الهزلية بكل شي ....
هي : صج احسه مليق بس فاهم
صديقتها : انا قتلج
هي: اي ادري ، اهو متزوج؟؟؟
صديقتها : اكيييد شكله كبير !!!!!!!
هي : بس مو لابس دبلة انا شفت ايده و بعدين ما يقولون له بو شي ، ينادونه باسمه
صديقتها: انا الي اعرفة انه متزوج ثلاث!!
هي : شنو!!!!!!!!! ثلاث ليش الحج متولي ؟؟؟
صديقتها: انا هذا الي اعرفه و آخر وحده طالبة بعد
هي : لا لا لا هاذي اكيييد اشاعه
صديقتها : انتي شكو فيه ؟؟؟ متزوج و لا كيفه
هي : انا اعرف لج الصج بنداوم معاه حق تجهيز معرض و بنشتغل لي بالليل و بعرف لج الصج
صديقتها: انا متأكدة متزوج

يتبع

هناك 7 تعليقات:

Blog 3amty يقول...

متابع :)

Q8EL5AIR يقول...

عسى الله يستر .. لا يكون متزوج اكثر من 3 !!

بالنسبة للتدريس .. فاوافقج بان المهم اني افهم بتخصصي وافخم المادة الي ادرسها :)
اما سالفة يعطي A او لا .. فهذا اتبعها بالمواد الاختيارية :)



متابعين ومترقبين !! :)


وتحياتي ..
ويسلموااااااااااااااااااااا :)

darkness يقول...

و انا بعد من المتابعين

:)

بنت أحمد يقول...

لا تتأخرين علينا

ننتظر آخرتها مع هالمليق

ربنا يستر

:)

ميرسي طوق الياسمين

أحمد الحيدر يقول...

شنو بلاغة الشف هذي ؟ ;P

الوتين يقول...

blog 3amty
اشكر لك متابعتك
و حياك الله
***********
Q8EL5AIR
شكله متزوج درزن
شاكرة مرورج
*********
darkness
هلا فيج
و يشرفني انج من المتابعين
************
بنت أحمد
ماراح اتأخر
آخرتها كحلي معاه انشالله
***********
أحمد الحيدر
احلى بلاغة الشف اذا كانت بمحلها

Najmah يقول...

:))
متابعة ايضا
لا تتأخرين
:*