الاثنين، 2 فبراير 2009

في الحرم الجامعي 2

تستعد لخوض اول تجربة حقيقية و شبه ميدانية في دراستها الجامعية
تتعامل معه بطريقة مباشرة و دائمة بحكم متابعته لعملها
هي تستمتع بوجودها بقربها منه محاوله ان تعرف اي معلومة قد تقودها الى شيء...
صديقتها: ها شلون شغلج مع دكتورج الشايب؟؟؟؟
هي: لا تقولين جذية ، اصلا اهو حده جنتل
صديقتها : جنتل!!!! من متى انشالله؟؟؟
هي: شنو يعني من متى؟؟؟؟
صديقتها: كل هالحنية عليه؟؟؟
هي: لا حنية و لا شي بس تدرين انا احب الريال الي يقدر المرأة و يعاملها بذوق
صديقها: و شلون هالشويبه يقدر المرأة انشالله؟؟؟
هي:تصدقين لمل ادخل عليه المكتب يوقف و يتم واقف طول ما اكلمه و لا يقعد الا بعد ما نا اقعد !!!
صديقتها: ماشاءالله ، الحين ما يصير التقدير الا بالوقفة!!!
هي : اي طبعا ، عيل مثل الشباب الي عندنا انا قاعدة اشرح له شنو دوره و هو مجابلني حاط ريل على ريل !!!
صديقتها: انتي شنو تبين ؟؟؟ يعني حبيته؟؟؟ تبينه؟؟؟ الريال متزوج ثلاث!!
هي : شكو حبيته ، انا قلبي قلب طير؟؟ انا ابي اعرف متزوج و لا لأ؟؟ لغرض ما في نفسي.

لديها رقم هاتفه النقال اعطاه لها في حالة حدوث اي حالة طارئة في التجهيزات مثلما اعطاه لكثير من الطالبات!!!
تقرر الاتصال به مساءا لعلها تعرف عن المزيد ، لعلها تصل الى شيء
هي: مساء الخير دكتور
هو: هلا مساء النور
هي: معاك فلانه ، اسفه على الاتصال بهالوقت بس عندي جم استفسار
هو:لا تأسفين حياج باي وقت ، بس تدرين صوتج بالموبايل غير!!
هي : تصمت ( مستغربة)
هو: ألو ، معاي؟؟
هي: اي معاك دكتور ، بغيت اقولج ان عندي مشاكل مع جم جهة قاعدة انسق معاها ، فاذا تقدر تساعدني؟؟
هو: اييي اكيد اساعدج و نص ، اعطيج رقم واحد مع كتاب تسهيل مهام يضبطج
هي : اي خوش عشان اقدر اخلص شغلي مبجر و يمديك تشوفه، أمر آخذ الكتاب باجر؟؟؟
هو: اي بس دقي علي الصبح اكدي علي و هم عشان اسمع صوتج المميز
هي: عفوا دكتور؟؟؟
هو : ايي صوتج فيه نبرة معينه غريبه!!
هي: انا ادز مسج لك اذكرك ، مشكور و مع السلامة
هو: حياج الله

يتبع..

هناك 5 تعليقات:

بنت أحمد يقول...

يوووووه جننتينا

متابعين وفي انتظارك

لاتطولين

<<<< بسألك كم جزء هالسالفة ؟؟!!

مشكوره ,, تسلم الأيادي

Q8EL5AIR يقول...

هذا اكيد دكتور شيبه !!

شكله عينه زايغة !!


مترقبين النهاية !!

الله يستر :)



وتحياتي ..
ويسلموااااااااااااااا :)

darkness يقول...

@@

enzean?

أخبار الاتحاد يقول...

قصص تكرر
شكرًا لطرحها بهذا الوضوح

"ذئاب بشرية"
بزي دكاترة وأساتذة!

والضحايا كثيرات
وما خفي كان أعظم

لجان ابتعاث الدكاترة الجدد
تركز على المعدل دون الخلق والركادة

يجب التصدي لهذه الظاهرة
و"إعداد قائمة سوداء بالجناة"

الوتين يقول...

بنت أحمد
لا انشالله مو مطولة ...
الله يسامج و حياج دووم
************
Q8EL5AIR
و الله شكلد داهيييه وم دكتوور
بس الله يستر
شاكرة متابعتك
************
DARKNESS
انزييين؟؟؟؟ و بعديييين؟؟؟؟
كل خير
شاكرة مرورج
************
أخبار الاتحاد
فعلا كلامك فيه جانب كبير من الصحة
شاكرو مرورك و تعليقك

8